TƏBİB region xəstəxanalarında tibb avadanlıqların yenilənməsi və müasir standartlara uyğun tibbi avadanlıqların quraşdırılması istiqamətində tədbirləri davam etdirir.

 

Aztibb.az-a TƏİB-dən verilən məlumata görə, aparılan işlər çərçivəsində Göygöl Rayon Mərkəzi Xəstəxanası müasir tələblərə cavab verən yeni rentgen və ultrasəs müayinə (USM) avadanlıqları ilə təchiz olunub. Bu avadanlıqlar vasitəsilə pasiyentlərə daha dəqiq, vaxtında və effektiv tibbi xidmət göstərilməsi mümkün olacaq.

 

Qeyd edək ki, yeni nəsil tibbi cihazlar erkən diaqnostika imkanlarını artırmaqla yanaşı, müalicənin düzgün istiqamətdə aparılmasına şərait yaradır.