Yay aylarında isti hava ilə birlikdə bakteriyaların sürətlə çoxalması və qidaların tez xarab olması halları artır. Xarab olmuş və ya üzərinə bakteriya qonmuş qida və ya suyun qəbulu nəticəsində qarın ağrısı, yüksək hərarətlə müşayiət olunan ishal baş verə bilər.

 

Aztibb.az-ın xəbərinə görə, ishalın müalicəsi səbəbinə və müddətinə görə dəyişir. Əksər hallarda ishal öz-özünə keçib gedir və ev şəraitində tətbiq olunan sadə müalicə üsulları ilə nəzarət altına alınır. Lakin ağır və ya xroniki ishal hallarında tibbi müdaxilə zəruridir.

 

Müalicənin əsas məqsədi — orqanizmin itirdiyi maye və elektrolitləri bərpa etmək, ishalın səbəblərini aradan qaldırmaq və simptomları yüngülləşdirməkdir. Bəzi hallarda ishal ciddi xəstəliklərin əlaməti də ola bilər.

İshal zamanı xəstə mütləq pəhriz saxlamalıdır. Bu, müalicədə çox vacib rol oynayır.

 

Qara çörək

Təzə meyvə, tərəvəz və giləmeyvələr

Ədviyyatlar

Duzlu, yağlı, qızarmış və hisə verilmiş yeməklər

Un məmulatları

Süd və yağlı süd məhsulları

(yalnız yağsız, duzsuz şor və bioyoqurt tövsiyə edilə bilər)

Paxlalılar (lobya, noxud və s.)

Göbələk

Şirniyyatlar

Qazlı içkilər, qəhvə və soyuq içkilər

 

Banan

Bişmiş düyü və düyü həlimi

Alma püresi (şəkərsiz)

Suxarı

 

Əgər iştaha yoxdursa, zorla yemək lazım deyil. Amma maye qəbulu mütləqdir! Susuzlaşma ishalın ən təhlükəli nəticələrindən biridir.