B6 vitamini bədənimiz üçün vacib olan suda həll olunan bir vitamindir. Bu vitamin metabolizmdən tutmuş sinir sistemi fəaliyyətinə, qırmızı qan hüceyrələrinin yaranmasından immunitetə qədər bir çox həyati funksiyada iştirak edir.

 

Aztibb.az xəbər veir ki, B6 vitamini qidaları enerjiya çevirən fermentlərin işləməsi üçün vacibdir. Əsasən zülal metabolizmasında aktiv rol oynayır.

 

B6 sinir impulslarının ötürülməsi üçün lazımlı olan neyrotransmitterlərin (məsələn, serotonin və dopamin) sintezində iştirak edir. Əhval-ruhiyyəni tənzimləyir, stress və əsəbiliklə mübarizədə faydalıdır.

 

Bu vitamin hemoqlobin istehsalında iştirak edir. Qırmızı qan hüceyrələrinin sağlam şəkildə yaranmasına kömək edir.

Bundan başqa, B6 ağ qan hüceyrələrinin (limfositlər) düzgün işləməsinə kömək edir. Orqanizmi infeksiyalara qarşı müdafiə edir. Homosistein adlı amin turşusunun yüksəlməsi ürək xəstəlikləri riskini artırır. B6 vitamini onun səviyyəsini aşağı salaraq damarları qoruyur. Dölün beyin və sinir sistemi inkişafı üçün mühüm rol oynayır. Hamiləlikdə B6 çatışmazlığı bulantı və qusma riskini artırır.

 

B6 vitamini çatışmazlığı zamanı nə ola bilər?

– Əsəbilik, yuxusuzluq;

– Dəri quruluğu və çatlamalar (xüsusilə dodaq kənarında);

– Əzələ zəifliyi, yorğunluq;

– Qanazlığı (anemiya);

– Qidalanma pozğunluqları və depressiya.

 

B6 vitamini ət, toyuq, balıq, banan, qoz, fındıq, kartof, tam taxlalılar, yumurta, süd məhsulları, ispanaq və digər yaşıl tərəvəzlərdə var.