Çinin Huazhong Elm və Texnologiya Universiteti ilə Sidney Universitetində aparılan araşdırma zamanı məlum olub ki, velosiped sürmək demensiya riskini azaldır.

Aztibb.az xəbər verir ki, "JAMA Network Open" jurnalında dərc edilən tədqiqatın nəticələrinə görə, velosiped sürmək beynin yaddaş funksiyaları ilə əlaqəli hissəsini qoruyur.

Tədqiqat çərçivəsində 50-60 yaş arası yarım milyona yaxın insanın sağlamlıq qeydləri araşdırılıb və onlar 3 qrupa ayrılıb: hərəkətsiz olanlar (avtomobil və ictimai nəqliyyatdan istifadə edənlər); yürüş edənlər; velosipeddən istifadə edənlər. Təhlillər göstərib ki, qeyri-aktiv olanlarla müqayisədə velosiped sürənlərin bütün səbəblərdən yaranan demans riski 19, Alzheymer xəstəliyi riski isə 22 faiz daha azdır.

Qeyd edək ki, demensiya beyin funksiyalarının tədricən zəifləməsi ilə xarakterizə olunan neyrodegenerativ xəstəlikdir. Ağıl zəifliyi, yaddaş itkisi, düşünmə və davranış pozğunluqları ilə müşayiət olunur.