Səhiyyə Nazirliyi İctimai Səhiyyə və İslahatlar Mərkəzi (İSİM) tərəfindən “Azercell” şirkətində əməkdaşlar üçün “Elektron siqaretin sağlamlığa təsiri” mövzusunda maarifləndirici görüş keçirilib.

 

Aztibb.az-a İSİM-dən bildirilib ki, görüşdə tütünçəkmənin təhlükəli təsirlərindən bəhs olunub, müasir dövrdə daha çox yayılan elektron siqaretlərin sağlamlığa zərərli təsirləri, onların tərkibi və yaratdığı asılılıq haqqında geniş məlumat verilib.

 

İSİM-in mütəxəssisləri Nərmin Azadova və Şəhla Kazımova elektron siqaretin xüsusilə gənclər arasında artan istifadəsinə diqqət çəkərək, bu vərdişin uzunmüddətli fəsadlarını izah ediblər. Görüşdə iştirakçıları maraqlandıran suallar cavablandırılıb, onlara İSİM tərəfindən hazırlanaraq çap edilən maarifləndirmə materialları təqdim olunub.