Qubadlı Rayon Mərkəzi Xəstəxanasının təşkilatçılığı ilə “Qeyri-infeksion xəstəliklərin profilaktikası” mövzusunda maarifləndirici təlim keçirilib.

 

Xəstəxanadan Aztibb.az-a verilən xəbərə görə, təlimdə çıxış edən RMX-nın Poliklinika şöbəsinin müdiri, həkim-terapevt Hüsniyyə Adıgözəlova maarifləndirici təlimin mahiyyətindən danışıb. Həkim-nevroloq Günay Həsənova isə qeyri-infeksion xəstəliklərə daxil olan damar xəstəliklərindən geniş söhbət açaraq, bu xəstəliklərin diaqnostika və müalicəsi, sağlam həyat tərzinin komponentləri, rasional qidalanma və s. barədə ətraflı məlumat verib.

 

Sonda mövzu ətrafında müzakirələr aparılıb, iştirakçıları maraqlandıran suallar cavablandırılıb.