Çinli cərrahlar peyk texnologiyasından istifadə etməklə 5000 kilometr uzaqlıqdan robot əməliyyatlar ediblər.
Aztibb.az-ın medimagazin.com.tr-yə istinadla xəbərinə görə, çinli cərrah prof. Ronq Liunun rəhbərlik etdiyi qrup Pekində 5000 kilometr uzaqlıqdakı Lhasadan peyk və robot cərrahiyyə texnologiyasından istifadə edərək iki xəstəni əməliyyat edib.
Ənənəvi 5G dəstəkli cərrahi sistemlərdə məsafə məhdudiyyəti olsa da, bu əməliyyatda 'Apstar-6D' peykinin aktivləşdirilməsi ilə gecikmələrin minimuma endirildiyi bildirilib.
Professor Rong Liunun rəhbərlik etdiyi həkimlərin təxminən 124 dəqiqə davam edən əməliyyatlarla qaraciyər xərçəngi və hemangioma olan iki xəstəni müalicə etdikləri, yeni nəsil əlaqə sistemləri sayəsində əməliyyat zamanı məlumat axınının fasiləsiz təmin edildiyi və prosedurların yüksək dəqiqliklə həyata keçirildiyi qeyd olunub.
Açıqlamada əməliyyatdan sonra ciddi fəsadların olmadığı və xəstələrin 24 saat ərzində evə buraxıldığı da paylaşılıb.
