Xərçəng bir çox insanın qorxulu yuxusudur. Bu xəstəlik  demək olar ki, bütün orqanlara təsir edə bilir: ağciyərlər, qaraciyər, böyrəklər, beyin və s. Lakin maraqlıdır ki, bu qədər geniş yayılan xəstəliyə  ürəkdə rast gəlinmir. Bəs bunun səbəbi nədir?

Aztibb.az xəbər verir ki, "Ürək xərçəngə qalib gəlir" fikri poetik səslənsə də, elmi cəhətdən doğru anlayışdır. Əslində, o, xərçəngə qalib gəlmir, orada şişin bölünməsi üçün uyğun mikroətraf yoxdur. Birbaşa ürəkdən başlayan şişlərə çox nadir hallarda rast gəlinir. Bunun da bir neçə elmi səbəbi var. Əsas faktorlardan biri ürək hüceyrələrinin bölünməməsidir ki, bu da xərçəngin əsas prinsipidir. Yetkin insanın ürəyində isə demək olar ki, bu hüceyrələr bölünmür və çoxalmır. Bu da mutasiya ehtimalını azaldır. İkinci faktor isə  ondan ibarətdir ki, ürək güclü qan dövranına malikdir və bu toksinlərin, zərərli maddələrin orada yığılmasına imkan vermir. Ürəkdə epitel toxumalara çox az təsadüf olunur. Ən çox rast gəlinən xərçəng növləri də epitel hüceyrələrində törəyir. Ürəkdə əzələ və birləşdirici toxumanın çox, epitel hüceyrənin az olmasına görə orada şiş yarana bilmir.