Yevlax Rayon Mərkəzi Xəstəxanasının həkim-pediatrı Bahar Quliyeva səhiyyə sahəsindəki səmərəli və peşəkar fəaliyyətinə görə TƏBİB-in İcraçı direktoru Vüqar Qurbanov tərəfindən Fəxri fərmanla təltif olunub.

Xəstəxanadan Aztibb.az-a bildirilib ki, bu mükafat həkimin illərdir fədakarlıqla göstərdiyi xidmətlərin və uşaqların sağlam böyüməsi naminə yorulmadan çalışan bir mütəxəssis kimi fəaliyyətinin təqdiridir.

Bahar Quliyevaya mükafatı Yevlax Rayon Mərkəzi Xəstəxanasının direktoru Fazil İsmayılov təqdim edib.

Peşəsinə olan sadiqliyi, dərin bilikləri və insanlara qarşı həssas münasibəti ilə seçilən Bahar Quliyevanı bu uğuru münasibətilə təbrik edir, ona can sağlığı və gələcək fəaliyyətində daha böyük nailiyyətlər arzulayırıq.