Elm adamları bu dəfə  həm maraqlı, həm də olduqca faydalı təkliflə gündəmə gəliblər. Belə ki,  siqaret kötüklərindən istifadənin yolunu tapan alimlər onlardan yüksək texnologiyalı materialların istehsalında yararlanmağı təklif edirlər.

Aztibb.az-ın xəbərinə görə, tədqiqatçılar düşünürlər ki, selüloz asetatdan ibarət filtrlər unikal quruluşa malik olduğundan karbon nanomaterialları əldə etmək üçün onlardan faydalanmaq olar.

Mütəxəssislərin fikrincə, gələcəkdə bu nanomateriallar enerji, ekologiya və İT sahələrində yeni nəsil çevik akkumulyator, səmərəli hidrogen saxlama sistemləri və triboelektrik generatorlar yaratmaq üçün istifadə oluna bilər. Bununla belə onlar qeyd edirlər ki, filtrlərin təkrar emal edilməsinin iqtisadi cəhətdən məqsədəuyğunluğu hələ  təsdiqlənməyib.