ABŞ-da aparılan son araşdırmaya görə, həkimə müraciət etmək istəyən xəstələrin qəbulu üçün ortalama gözləmə müddəti 31 günə yüksəlib. Bu müddət Bostonda 65 günə qədər, dermatologiya kimi bəzi ixtisaslarda isə 40 günü keçir.

Bu barədə Aztibb.az medimagazin.com.tr-yə istinadla xəbər verir.

AMN Healthcare tərəfindən aparılan yeni araşdırmaya görə, xəstələrin ABŞ-ın böyük şəhərlərində görüş almaq üçün gözləmə müddəti son üç ildə 19%, 2004-cü ildən isə 48% artıb. 15 əsas metropoliten ərazinin təhlilində görüş üçün orta gözləmə müddəti 2022-ci ildəki 26 gündən 325 günə yüksəlib.

Bostonda həkimə müraciət etmək üçün orta hesabla 65 gün ən uzun gözləmə müddəti olub. Ən qısa görüş vaxtı 12 günlə Atlantada olub.

Görüşlər üçün gözləmə müddəti ixtisasa görə əhəmiyyətli dərəcədə dəyişir. Doğuş həkimləri üçün orta gözləmə müddəti 42 gün, qastroenteroloqlar üçün 40 gün, dermatoloqlar üçün isə 36,5 gündür.