İcbari Tibbi Sığorta üzrə Dövlət Agentliyi və Türk Əməkdaşlıq və Koordinasiya Agentliyi (Tika Bakü) arasında əməkdaşlıq çərçivəsində "Regionlarda uşaqların müayinəsi" layihəsinə start verilib.

TƏBİB-in dəstəyi ilə keçirilən layihənin ilk mərhələsində tibbi müayinələr Ucar Rayon Mərkəzi Xəstəxanasında təşkil olunub.

TƏBİB-dən Aztibb.az-a  verilən məlumata görə, Bakıdan dəvət olunan müxtəlif ixtisaslardan həkimlərin iştirakı ilə keçirilən müayinələrdə Ucar, Gəncə, Göyçay, Zərdab, Kürdəmir, Ağdaş, İsmayıllı, Şəmkir, Goranboy və Bərdədən olan 210 uşaq müayinə edilib. İki uşağa stasionar müalicə təyin olunub, bir nəfər Bakıya göndərişlə təmin edilib.

Tibbi müayinələrdən əlavə neonataloqlar üçün təlim təşkil olunub.

Layihə çərçivəsində növbəti tibbi müayinələrin Daşkəsən, Şamaxı, Masallı və Zaqatalada təşkili planlaşdırılır.