Aztibb.az-a Şirvan Şəhər Mərkəzi Xəstəxanasından verilən məlumata görə, öncə vətənimizin müstəqilliyi və ərazi bütövlüyü uğrunda şəhid olanların əziz xatirəsi bir dəqiqəlik sükutla yad edilib.

 

Tədbiri giriş sözü ilə açan Şirvan Şəhər Mərkəzi Xəstəxanasının direktoru Pərviz Rüstəmbəyov tibb işçilərini peşə bayramı münasibətilə təbrik edib, onlara şərəfli işlərində uğurlar arzulayıb. O, Ulu Öndər Heydər Əliyevin səhiyyə sahəsinə göstərdiyi diqqət və qayğıdan bəhs edərək bildirib ki, Ümummilli Lider Heydər Əliyevin 2001-ci il iyunun 4-də imzaladığı Sərəncama əsasən, hər il iyunun 17-si ölkəmizdə Tibb İşçilərinin Peşə Bayramı Günü kimi qeyd olunur.

 

Direktor Azərbaycan Respublikasının Prezidenti cənab İlham Əliyevin və Birinci-vitse prezident Mehriban xanım Əliyevanın ölkədə səhiyyə sahəsinə göstərdikləri diqqət və qayğıdan danışaraq qeyd edib ki, son illər Azərbaycan səhiyyəsinin idarə olunması, tibb müəssisələrinin maddi-texniki bazasının gücləndirilməsi, yeni tibbi texnologiyaların tətbiqi, köklü kadr islahatları və aparılan digər tədbirlər respublikamızda bu sahənin dünyanın qabaqcıl ölkələrinin səviyyəsinə çıxarmağa imkan yaradıb.

 

Daha sonra Pərviz Rüstəmbəyov Şirvan şəhər Səhiyyə işçiləri Həmkarlar İttifaqı Şurasının təşkilatçılığı ilə keçirilən tədbirdə bir qrup tibb işçisinə təltif və hədiyyələr təqdim edilib.

 

Tədbirin sonunda Tibb İşçilərinin Peşə Bayramı Gününə həsr olunan videoçarx nümayiş etdirilib.