Respublika Klinik Xəstəxanasında son bir il ərzində ən çox əməliyyat həyata keçirən Otorinolarinqologiya şöbəsi və bu uğura töhfə verən əməkdaşlar – həkim-otorinolarinqoloqlar Gülyaz Kazımova, Könül Bayramova və Fidan Yusifova səmərəli fəaliyyətlərinə görə təşəkkürnamə ilə təltif ediliblər.

Xəstəxanadan Aztibb.az-a bildirilib ki, eyni zamanda, şöbənin ümumi fəaliyyətində göstərilən yüksək nəticələrə görə Otorinolarinqologiya şöbəsinin kollektivinə verilən təşəkkürnamə şöbə müdiri Leyla Poladovaya təqdim olunub.

Təşəkkürnamələr Xəstəxananın direktoru Elviz Qasımov, baş həkim Sahib Hüseynov və Həmkarlar Təşkilatının sədri Eldar Əsədli tərəfindən təqdim edilib.