Sumqayıt Tibb Mərkəzinin (STM) sturkturuna daxil olan Perinatal Mərkəzdə mayın 12-də keysəriyyə əməliyyatı ilə dünyaya gələn 2950 qram çəkid olan qız uşağı bir aya yaxın davam edən həyat mübarizəsindən qalib ayrılıb.
STM-dən Aztibb.az-a bildirilib ki, doğuşdan dərhal sonra körpə ağır tənəffüs çatışmazlığı ilə üzləşib və Neonatal reanimasiya və intensiv terapiya bölməsinə qəbul edilib.
Körpənin vəziyyətinin ciddiliyi nəzərə alınaraq süni tənəffüs aparatına qoşulub və intensiv müalicə prosesinə başlanılıb. Bir aya yaxın davam edən intensiv terapiya nəticəsində körpənin vəziyyəti stabilləşib və iyunun 10-da evə yazılıb.
Körpənin müalicəsini həyata keçirən neonatoloq Günel Əsgərova yüksək peşəkarlığı ilə bu uğurlu nəticənin əldə edilməsində mühüm rol oynayıb.
