Zaman keçdikcə zahiri görünüşünüzün ananıza və ya atanıza daha çox oxşadığının yəqin ki, fərqinə varmısınız. Əslində bu, təkcə subyektiv fikir deyil.

Aztibb.az xəbər verir ki, elm adamları yaş artdıqca insanların nəinki valideynlərinin xüsusiyyətlərini, həm də onların vərdişlərini, danışıq və hətta düşüncə tərzini mənimsədiklərini müəyyən ediblər. 

ABŞ-ın Emori Universiteti və London Kral Kollecinin alimləri tərəfindən aparılan araşdırmalar nəticəsində məlum olub ki, valideynlərə aktiv oxşarlıq 37-47 yaş arası özünü göstərir. Üstəlik, bu, yalnız görünüşə deyil, həm də vərdişlərə aiddir.