Kembric Universitetinin tədqiqatçıları saç rənginin insanın ömür uzunluğuna  təsir göstərdiyini müəyyən ediblər. Mütəxəssislərin qənaətinə görə, açıq rəng saça sahib insanlar daha uzunömürlü olurlar. Ümumiyyətlə dünyanın hər yerindən olan elm adamları bu mövzuda dəfələrlə təcrübələr, sorğular və tədqiqatlar aparıblar, lakin onların nəticələri əhəmiyyətli dərəcədə dəyişir.

Aztibb.az xarici mətbuata istinadla xəbər verir ki, yarım milyon insanın DNT-sini təhlil edən alimlər, qırmızı saçlı insanların yaşa bağlı xəstəliklərə qarşı daha davamlı genetik xüsusiyyətlərə malik olduğunu ortaya çıxarıblar. İngilis alimləri isə tünd saçlı insanların uzun ömürlülük potensialının yüksək olduğunu düşünülər. Bu, dərini ultrabənövşəyi şüaların zərərli təsirindən qoruyan, xərçəngə və digər əlaqəli xəstəliklərə səbəb ola biləcək melaninin yüksək tərkibi ilə bağlıdır. Digər tərəfdən, amerikalı tədqiqatçılar 200 mindən çox insan arasında sorğu keçirib və onların genomlarını təhlil ediblər. Nəticələr göstərib ki, açıq saçlı insanlar daha gec yetkinlik yaşına çatır ki, bu da onlarda çox yaşamaq şansını xeyli artırır. Erkən yetkinlik, öz növbəsində, ürək-damar xəstəliklərinin və II tip diabetin inkişaf riskini əhəmiyyətli dərəcədə artıra bilər. Belə ki, açıq saçlı insanların infarkt, insult və diabet riski daha az olur.