Aztibb.az-ın xəbərinə görə, hestasion diabetin yaranma ehtimalını artıran əsas amillər artıq çəki və piylənmə, ailə üzvlərində diabet olması, 30 yaşdan sonra baş verən hamiləlik, yumurtalıqlarda polikistiz xəstəliyi, qanda qlükoza səviyyəsinin öncədən yüksək olmasıdır.

 

Risk faktorları olan qadınların hamiləlik planlaması zamanı qlükoza tolerant testi keçmələri tövsiyə olunur.

 

Hestasion şəkərli diabetdən əziyyət çəkən anaların qanında şəkərin səviyyəsi düzgün tənzimlənmədikdə ana və uşağın sağlamlığında ciddi problemlər yarana bilər:

 Anada 2-ci tip şəkərli diabet, qeysəriyyə və yüksək qan təyziqi riski artır;

Dünyaya gələn uşaqda qanda şəkərin səviyyəsi çox tez müddətdə aşağı düşə bilər (hipoqlikemiya) və gələcəkdə piylənmə, tip 2 diabet riski artar. Uşağın erkən əmizdirilməsi hipoqlikemiyanın müalicəsi hesab olunur və fəsadların qarşısını alır.

 

Hamiləlik dövründə fiziki aktivlik ehtiyatla həyata keçirilməlidir. Əgər düşük riski yoxdursa və həkim icazə verirsə, hamilə qadınlar idmanla məşğul ola bilərlər. Ən təhlükəsiz və faydalı fiziki fəaliyyət isə piyada gəzintidir.

Əgər pəhriz və fiziki aktivlik qan şəkərinin tənzimlənməsində kifayət etmirsə, həkim insulin müalicəsi təyin edə bilər. İnsulinin dozası və tətbiq qaydası hər pasiyent üçün fərdi şəkildə müəyyən edilir.