Aztibb.az xəbər verir ki, isti aylarda bölgələrə və ya xarici ölkələrə səyahət zamanı bəzi gigiyenik qaydalara xüsusi diqqət yetirmək vacibdir.

 

Təmizliyindən əmin olmadığınız sulardan içmək, həmin sularla yemək hazırlamaq və ya çimmək sağlamlığınız üçün ciddi risklər yarada bilər. Bu səbəbdən yalnız etibarlı mənbələrdən əldə olunmuş, qablaşdırılmış və ya qaynadılmış suyun istifadəsi tövsiyə olunur.

 

Eyni zamanda, küçələrdə açıq şəraitdə satılan qidalardan uzaq durmaq məsləhətdir. Bu cür qidalar gigiyenik normalara cavab vermədiyi halda qida zəhərlənmələrinə və infeksiyalara səbəb ola bilər.

 

Unutmayın ki, sadə gigiyenik qaydalara riayət etməklə səyahətinizin xoş və təhlükəsiz keçməsini təmin edə bilərsiniz.