Respublika Neyrocərrahiyyə Xəstəxanasına müraciət edən pasiyent uğurlu əməliyyatdan sonra ambulator müalicə üçün evə buraxılıb.

 

Xəstəxanadan Aztibb.az-a verilən xəbərə görə, qıcolma tutmaları fonunda yıxılaraq travma alan gənc pasiyentin boynunda, qollarında ağrı, keylik yaranmaşı şikayətləri ilə tibb müəssisəmizə müraciət edib. Daxil olarkən pasiyentdə nevroloji vəziyyətində sagda cox olmaqla yuxari parahipesteziya, hipotoniya aşkar olunub. Müayinə nəticələrinə əsasən C4 fəqərəsinin sınıq-çıxığı aşkarlanıb və cərrahi əməliyyat olunması qərara alınıb.

 

Həkim-neyrocərrahlar Anar Abbasov, Aygün Zeynalova və anestezioloq Rəna Əliyeva tərəfindən anterior yanaşma ilə C4-C5 dikskektomiya, PEEK cage yerləşdirilməsi və öndən metal lövhə ilə fiksasiya ilə uğurlu cərrahi əməliyyat icra olunub.

 

Əməliyyat sonrası pasiyentə müvafiq şöbədə lazimi tibbi xidmətlər göstərilərək nevroloji defisitsiz evə yazılıb.