Yaponiyalı  elm adamları  müxtəlif qan qruplarına sahib insanların intellektual səviyyələrini müqayisə ediblər.

Aztibb.az xəbər verir ki, tədqiqat çərçivəsində iştirakçılara analitik düşüncə və tez qərarvermə qabiliyyətlərini ölçən testlər təqdim olunub. Test nəticələri qan qruplarına görə fərqli zəka xüsusiyyətlərini ortaya qoyub. Araşdırmalar AB (IV) qan qrupuna malik şəxslərin mürəkkəb problemlərin həllində və çətin qərarların qəbulunda digərlərinə nisbətən daha üstün nəticələr əldə etdiklərini göstərib. Alimlərin fikrincə, bu şəxslər həm emosional, həm də məntiqi zəkanı paralel şəkildə istifadə etmək qabiliyyətinə sahibdirlər. Tədqiqatda digər qan qruplarının xüsusiyyətləri də aşağıdakı kimi təsvir olunub: A (II) qan qrupu: Yüksək emosional zəkası ilə seçilən bu fərdlər düşüncəli, vasvası və planlı davranışları ilə tanınırlar. Eyni zamanda yaradıcılıq və empatiya qabiliyyətlərinə də sahibdirlər. 0 (I) qan qrupu: Bu qrupun nümayəndələri liderlik potensialı, güclü iradə və xarizmaları ilə fərqlənirlər. Analitik düşüncə qabiliyyətləri onları tez-tez menecer və strateq mövqelərinə gətirir. AB (IV) qan qrupu: Ən nadir sayılan bu qan qrupu intuitiv zəka və yüksək uyğunlaşma qabiliyyəti ilə seçilir. Bu qrupdakı insanlar həm emosional, həm də məntiqi düşüncəni balanslı şəkildə tətbiq edə bilirlər.