Şirvan Şəhər Mərkəzi Xəstəxanasında Hacıqabul rayon şəhidi Cavad Cavadovun atası Dəyanət Cavadovun üzərində icra olunan əməliyyat uğurla həyata keçirilib.

Xəstəxanadan Aztibb.az-a bildirilib ki, tibb müəssisəsinə müraciət edən Hacıqabul rayon sakini 1944-cü il təvəllüdlü pasiyentə sağ bud sümüyünün burmalardan keçən qapalı qəlpəli yerdəyişən sınığı, şəkərli diabet II tip, insulindən aslı diaqnozu təyin edilib. Qısa cərrahi əməliyyat önü hazırlıqdan sonra bud sümüyünün proksimal ucunun qapalı üsulla repozisiyası və bloklayıcı intramedulyar osteosintezi əməliyyatı icra olunub.

Sözügedən əməliyyatı həkim-travmatoloq Şəmsi Əhmədov tərəfindən həyata keçirilib.

Qeyd edək ki, travmatoloji əməliyyatdan 10 gün sonra şəhid atasının üzərində mədə perforasiyası əməliyyatı icra olunub. Sözügedən əməliyyatda direktorun cərrahi xidmətlər üzrə müavini (ümumi cərrah) Nəsib Səhratov, tibb üzrə fəlsəfə doktoru Namizəd Xankişiyev, anestezioloq Sahib Hümbətov, əməliyyat tibb bacısı Səbirə Teymurova, anestezist Yeganə Salahova tərəfindən həyata keçirilib. Hal-hazırda şəhid atası ambulator müalicə üçün evə buraxılıb.

Məlumat üçün onu bildirək ki, Hacıqabul rayon şəhid Cavadov Cavad Dəyanət oğlu 27.11.1973-cü ildə Hacıqabul rayonunda anadan olub. 19.05.1992-ci ildə hərbi xidmətə yollanıb. 06.09.1992- ci ildə Ağdam rayonu Abdul-Gülablı kəndi uğrunda gedən döyüşlərdə şəhid olub.