“Unity Health Toronto” təşkilatı və Toronto Universitetinin alimləri tərəfindən aparılan iki yeni araşdırma Portfolio diyetinin (bitki məhsulları ilə qidalanma planı) müxtəlif insan qruplarında ürək-damar xəstəlikləri və ölüm riskini azalda biləcəyini göstərir.

Bu barədə Aztibb.az xarici mediaya istinadla xəbər verir.

“BMC Medicine” jurnalında dərc edilən ilk araşdırma təqribən 15 min amerikalının məlumatlarını təhlil edib və göstərib ki, Portfolio diyetinə riayət etmək ürək-damar xəstəlikləri səbəblərindən ölüm riskinin əhəmiyyətli dərəcədə azalda bilər.

Bu, 2003-cü ildə Temerti Universitetinin Tibb fakültəsinin professoru David Cenkins tərəfindən hazırlanmış diyet planını ürək-damar və bütün səbəblərdən ölüm hallarını azaltmaqla əlaqələndirən ilk araşdırmadır.

“Hətta bir ovuc qoz-fındıq və ya yarım stəkan bişmiş lobya kimi bu qidalardan az miqdarda əlavə etmək belə fayda verə bilər. Müsbət dəyişiklikləri görmək üçün ciddi pəhriz saxlamağa ehtiyac yoxdur”, -deyə aparıcı müəllif və Temerti Universitetinin tədqiqatçısı Meqan Kavana deyib.

Pəhriz rejiminə orta dərəcədə riayət edilməsinin ürək-damar xəstəlikləri riskini 12 faiz, risk faktorlarını 14 faiz və bütün səbəblərdən ölüm hallarını 12 faiz azaltmaq da daxil olmaqla, əhəmiyyətli faydaları olduğu sübut edilib.

Komanda 24 saatlıq qida xatırlatma sorğusu və əvvəlki tədqiqatların qida tezliyi anketlərindən istifadə edərək pəhriz vərdişlərini araşdırıb. İkinci tədqiqat diqqəti daha gənc, çox vaxt diqqətdən kənarda qalan demoqrafik təbəqəyə yönəldib. “BMC Public Health” jurnalında dərc olunan bu tədqiqat “Toronto Nutrigenomics and Health Study”nin məlumatlarından istifadə edərək 20 yaşlarında olan 1500-ə yaxın etnik mədəni müxtəlifliyi nəzərdən keçirib.

Məlum olub ki, gənc yetkinlik dövründə başlayan Portfolio diyetinin 50 faizinə riayət etmək sonrakı həyatda ürək-damar xəstəlikləri riskinin artımını təxminən altı il gecikdirə bilər. Pəhrizə tam riayət etmək isə bu riski 13 il yubada bilər. Alimlər vurğulayırlar ki, gənc yetkinlik dövründə pəhriz müdaxilələri xüsusilə vacibdir, çünki adi həyat keçidləri - məsələn, ilk dəfə evdən köçmək və ya məktəbi bitirmək - əvvəllər pəhriz keyfiyyətinə mənfi təsirlərlə əlaqələndirilirdi.