Elm adamları prostat xərçəngi xəstələrinin dörddə birinin ömrünü uzada biləcək bir irəliləyiş əldə etmək üçün süni intellektdən istifadə ediblər.

Aztibb.az-ın medimagazin.com.tr-yə istinadla məlumatına görə, mövcud müalicə üsullarında prostat xərçəngi başqa orqanlara yayılan xəstələrə abirateron adlı dərman verilir. Bütün bədəndə testosteron hormonunun istehsalını boğan, prostat vəzi xərçənginin inkişafını sürətləndirə bilən bu dərman xərçəngi başqa orqanlara yayılmayan xəstələrə verilməyib. Bununla belə, London Universitet Kolleci və İngiltərədəki Xərçəng Araşdırmaları İnstitutundan olan tədqiqatçılar süni intellektdən istifadə edərək xərçəngi metastaz verməmiş bəzi xəstələrin də bu dərmandan faydalana biləcəyini aşkar ediblər. Alimlər tərəfindən hazırlanmış süni intellekt şiş nümunələrinin şəkillərini müqayisə edə və hansının bu dərmandan faydalana biləcəyini müəyyən edə bilər.

Amerika Klinik Onkologiya Cəmiyyətinin illik toplantısında öz tədqiqatlarını təqdim edən elm adamları, prostat xərçəngi olanların dörddə birinin bu inkişafdan faydalana biləcəyini və onların ölüm riskinin təxminən yarıya qədər azalacağını ifadə etdilər.