Efiopiyanın Səhiyyə Nazirliyi ölkədə M çiçəyi (M pox) virusundan ilk ölümün qeydə alındığını və 5 yoluxmanın olduğunu açıqlayıb.

Aztibb.az-ın medimagazin.com.tr-yə istinadla məlumatına görə, açıqlamada, "Vəziyyəti aktiv şəkildə izləyirik və sınaq və müşahidə səylərimizi davam etdiririk" deyilir.

Açıqlamada mayın 31-nə kimi ölkədə ümumilikdə 15 mpox testinin aparıldığı, bu virusla mübarizə çərçivəsində sərhədyanı şəhərlərdə nəzarətin artırıldığı və ictimaiyyəti məlumatlandırma işlərinin davam etdiyi bildirilib.

Ölkədə təsdiqlənmiş ilk M-pox virusuna yoluxma keçən həftə Keniya sərhədinə yaxın Oromiya bölgəsindəki Moyale şəhərində görülüb.