Çində istifadəyə verilən dünyanın ilk “süni intellekt xəstəxanası” minlərlə virtual xəstəyə diaqnoz qoymaqla inqilabi addım atıb. Bu qabaqcıl texnologiyaya əsaslanan sistem gələcəkdə səhiyyədə inqilab edə bilər.

Aztibb.az-ın medimagazin.com.tr-yə istinadla məlumatına görə, Tsinghua Universitetinin Süni İntellekt Sənayesi Araşdırma İnstitutu (AIR) tərəfindən hazırlanmış bu texnologiya sayəsində 21 fərqli sahədən 42 süni intellekt həkimi Süni İntellektlə Yardımlı Virtual Xəstəxana adlı virtual sağlamlıq mərkəzində işləyir.

Alimlər tərəfindən hazırlanmış bu model, xəstəliyin başlanğıcı, qeydiyyat, müayinə, diaqnostika, müalicə, resept, reabilitasiya və təqib kimi prosesləri əhatə edən qapalı bir xəstəxana təcrübəsini simulyasiya edir.

Süni intellekt həkimləri tibbi ədəbiyyatı təhlil edir və xəstənin müalicəsi ilə bağlı qərarlar verir, daim öz təcrübələrini təkmilləşdirir.

Virtual xəstəxana cəmi bir neçə gün ərzində 10 min virtual xəstəyə diaqnoz qoya bilib. Digər tərəfdən, süni intellekt həkimlərinin mühüm tənəffüs xəstəliklərini əhatə edən MedQA məlumat dəstində 93,06 faiz dəqiqliyə çatdığı vurğulanır.