Azərbaycan Tibb Universitetinin (ATU) əməkdaşı, tibb elmləri doktoru Elman Tağısoy Türk Dövlətləri Təşkilatı Türk Universitetləri Birliyinin Orhun mübadilə proqramı çərçivəsində Türkiyənin EGE Universitetinin Tibb fakültəsində 15 gün ərzində akademik fəaliyyət göstərib.

Bu barədə Aztibb.az-a ATU-dan məlumat verilib.

Bildirilib ki, o, Universitetin Genel Cərrahi kafedrasında müəllim və tələbələrlə görüşüb. III və IV kurs tələbələrinə və uzmanlara yanıqlar, kəskin qarın, qarın və döş boşluğunun küt və açıq yaralanmaları, cərrahi infeksiya və anorektal abses və süzgəclər mövzularında müzahirələr oxuyub. Səfər çərçivəsində əməkdaşımız universitetin tədris fəaliyyəti ilə yaxından tanış olub və həmin dövrdə orda keçirilən beynəlxalq konqresdə iştirak edib.