Əllərdə qabıqlı qızartılar verən dəri xəstəliyi çoxdur. Dəmrov tipli bu dəri xəstəlikləri əsasən qabıqlı və qaşıntılı olur.

Bu barədə Aztibb.az-a uzman dermatoloq Mehdi İskəndərli məlumat verib.

Onun sözlərinə görə, dəmrov tipli dəri xəstəlikləri bədənin müxtəlif nahiyyələrinə yayılaraq ciddi sağlıq problemi yarada bilər. Diaqnozu dəqiqləşdirmək və düzgün müalicələr üçün əlavə testlərə ehtiyac olur.

Mehdi İskəndərli qeyd edib ki, dəmrov xəstəliyi ümumi anlayışdır. Dəmrov adətən dəridə qaşıntılı qabıqlı qızartılar ilə özünü göstərən xəstəlik qrupuna verilən addır. Demək olar ki, hər növ dəmrov xəstəliyi qaşıntılı qızartılı səpgilər ilə özünü göstərir. Lakin, dərinin növündən asılı olaraq səpgilərin rəngi al qırmızıdan tutmuş tünd qəhvəyi rəngə qədər fərqlilik göstərə bilər. Dəridə qaşıntı isə dəmrovun növündən asılı olaraq az ya çox ola bilər. Ona görə də dəmrovun çoxlu növü vardır. Hər biri də fərqli dəri xəstəliyini təmsil edir.