"Həkimlərimizi tanıyaq!" rubrikamızın növbəti qonağı Həsənov Azad Dilavər oğludur.

O, 16 dekabr 1984-cü ildə Hacıqabul rayonunda anadan olub. 2002-2007-ci illərdə Azərbaycan Tibb Universitetinin Tibbi Profilaktika fakültəsində təhsil alıb.

2007–2008-ci illərdə Şirvan şəhər Mərkəzi Xəstəxanasında həkim-interna kimi fəaliyyət göstərib, bu müddətdə kliniki həkim-laborant ixtisası üzrə ixtisasartırma kursu keçib.

Azad Həsənov 2010-cu ildən Hacıqabul Rayon Mərkəzi Xəstəxanasının Laboratoriya şöbəsinin müdiri vəzifəsində çalışır.

Peşəkar fəaliyyətinə paralel olaraq bir sıra yerli və beynəlxalq kurs, seminar və vebinarlarda iştirak edib.