İsrailin 7 oktyabr 2023-cü ildən şiddətli hücumlarını davam etdirdiyi və sıx blokada tətbiq etdiyi Qəzzada tibbi fasilələr səbəbiylə xərçəng xəstələrinin artıq kimyaterapiya müalicəsi ala bilməyəcəyi bildirilib.

Aztibb.az-ın www.aa.com.tr-yə istinadla xəbərinə görə,  Qəzza zolağında Səhiyyə Nazirliyindən verilən yazılı açıqlamada, davam edən hücumlar səbəbiylə cənubundakı Xan Yunus şəhərində Qəzza-Avropa Xəstəxanası və Qəzza Xərçəng Mərkəzinin boşaldılması ilə xərçəng xəstələrinin yaşadığı fəlakətin böyüklüyünün iki dəfə artdığı bildirilib.

Açıqlamada Qəzzada 11 min xərçəng xəstəsinin müalicə və sağlamlıq xidmətlərindən məhrum olduğuna diqqət çəkilərək, 5 min xərçəng xəstəsinin təcili olaraq kemoterapi və radioterapiya üçün xaricə köçürülməsinin vacibliyi vurğulanıb.

Xərçəng xəstələri üçün erkən diaqnoz və monitorinq cihazlarının olmamasının xəstələrin sağlamlıq vəziyyətini pisləşdirdiyi bildirilən açıqlamada xərçəng dərmanlarının 64 faizinin tamamilə tükəndiyi qeyd edilib.