Yeni bir araşdırmaya görə, hətta yalnız üç gecə pis yuxu ciddi sağlamlıq problemlərinə səbəb ola bilər. Uppsala Universitetinin tədqiqatçıları müəyyən ediblər ki, yuxu çatışmazlığı ürək xəstəliyi riskini artıran dəyişikliklərə səbəb olur və bədəndə iltihabın səviyyəsini sürətlə artırır.

Bu barədə Aztibb.az medimagazin.com.tr-yə istinadla xəbər verir.

İsveçin Uppsala Universitetində aparılan tədqiqat 16 sağlam kişi üzərində sınaqdan keçirilib. İştirakçılar iki fərqli rejimə əməl ediblər: üç gün normal 8,5 saat yuxu və üç gün 4,25 saat məhdud yuxu.

Nəticələr göstərdi ki, yuxu olmaması ürək-damar xəstəlikləri ilə əlaqəli iltihabi markerlərin artmasına səbəb olub. Uzun müddət ərzində yüksək səviyyədə yığılan bu iltihablı zülallar qan damarlarına zərər verə bilər və ürək çatışmazlığı, koronar arteriya xəstəliyi və atrial fibrilasiya riskini artıra bilər.