Siçanlar üzərində sınaqdan keçirilmiş qocalma əleyhinə kokteyl ən azı 30 faiz təsir göstərib. Bu əlavə vaxtın 30 faizi sınaqdan keçirilmiş siçanlarda xəstəlik və ya zəiflikdə deyil, daha sağlam qocalıqda sərf edilib.

Aztibb.az-ın medimagazin.com.tr-yə istinadla məlumatına görə, siçanlar üzərində sınaqdan keçirilən tədqiqat Almaniyanın Maks Plank Yaşlanma Biologiyası İnstitutunda aparılıb.

Dərmanlardan biri olan rapamisin orqan nəqllərində rədd edilmənin qarşısını almaq üçün istifadə edilir və onun daha əvvəl müxtəlif heyvan təcrübələrində ömrü uzatdığı göstərilib. 

Trametinib isə bəzi xərçəng növlərində istifadə edilən başqa bir dərmandır və meyvə milçəklərinin ömrünü uzatdığı bilinir.

Tədqiqatçılar bu dərmanları siçanlara həm fərdi, həm də birlikdə verərək onların təsirlərini müqayisə ediblər.

Kokteyl verilən siçanlar nəinki daha uzun yaşayıb, qaraciyərdə və dalaqda şiş əmələ gəlməsi ləngiyib, beyində, böyrəklərdə və əzələlərdə iltihab azalıb, ürəyin işində pisləşmə daha yavaş gedib. 

Dişi siçanların orta ömrü 34,9 faiz, erkək siçanların isə 27,4 faiz artıb. 

Hər iki dərman bədəndəki qocalma prosesinə təsir edən Ras/Insulin/TOR siqnal yoluna toxunub. Ancaq bu dərmanlar fərqli nöqtələri hədəf aldığından, birlikdə istifadə edildikdə daha güclü təsir göstərib. Bundan əlavə, heç bir əlavə yan təsir müşahidə edilməyib.