Yaponiyada aparılan araşdırmalara görə, az çeynəyən, tez yemək yeyən və ağızları dolu olan uşaqların piylənməyə meylli olduğu müəyyən edilib.

Aztibb.az-ın medimagazin.com.tr-yə istinadla məlumatına görə, Yaponiyanın Osaka Universitetinin alimləri çeynəmə vərdişlərinin uşaqlarda piylənməyə təsirini araşdırmaq üçün tədqiqat aparıblar.

9-10 yaş arası təxminən 1400 uşağın yemək vərdişlərinin araşdırıldığı tədqiqatda, yeməyini kifayət qədər çeynəməyən uşaqların piylənməyə daha çox meyilli olduğu müəyyən edilib.

Məlum olub ki, az çeynəyən uşaqlarda piylənmə riski bir yarım dəfə, tez yeyən uşaqlarda isə piylənmə riski təxminən iki dəfə çoxdur.

Bu vəziyyətin daha çox oğlanlarda müşahidə edildiyi üzə çıxsa da, araşdırma nəticəsində “piylənmə” sinfində 167 uşaq qiymətləndirilib.

Araşdırmanın nəticələri "Science Direct" jurnalında dərc olunub.