Bakı Sağlamlıq Mərkəzində proktologiyada lazer cərrahiyyəsi üzrə təcrübə mübadiləsi məqsədilə Özbəkistandan gəlmiş həkim-cərrahlar üçün praktiki təlim keçirilib.

Mərkəzdən Aztibb.az-a bildirilib ki, təlim ümumi cərrah, t.ü.f.d. Aynur Hüseynzadə tərəfindən aparılıb. O, Özbəkistanın müxtəlif şəhərlərindən gəlmiş cərrahlarla proktoloji lazer əməliyyatları sahəsindəki zəngin təcrübəsini bölüşüb.

2017-ci ildən etibarən ölkəmizdə lazer proktoloji əməliyyatlarını uğurla icra edən Aynur Hüseynzadə, həmçinin ağırlaşmış babasil xəstəliyində lazer hemorroidoplastika əməliyyatını canlı olaraq nümayiş etdirib.

Təlim iştirakçıları tədbirin faydalı olduğunu vurğulayaraq, əldə etdikləri bilikləri gələcək fəaliyyətlərində tətbiq edəcəklərini bildiriblər.