Sumqayıt Tibb Mərkəzinin (STM) Uşaq Xəstəxanasında 1 yaş 4 aylıq körpə üzərində bağırsaq stomasının ləğvi, yapışıqlıqların aradan qaldırılması və bağırsaq plastikası cərrahi əməliyyatı uğurla icra olunub.

STM-dən Aztibb.az-a verilən məlumata görə, müdaxilə uzman uşaq cərrahı Araz Hüseynov tərəfindən yüksək peşəkarlıqla həyata keçirilib.

Körpənin anası Nəzrin Rəhimova övladının sağlamlığına qovuşması və əməliyyatın uğurla başa çatması üçün göstərilən diqqət və qayğıya görə Araz Hüseynova və bütün tibbi komandaya dərin təşəkkürünü ifadə edib.

Qeyd edək ki, körpədə kistik fibrozis xəstəliyinin mövcudluğu əməliyyatın nəticəsini risk altına ala bilərdi. Bununla belə, həkimlərin peşəkar yanaşması və düzgün müalicə taktikası sayəsində əməliyyat uğurla tamamlanıb.