Erkən yaşlarından Respublika Klinik Xəstəxanasının Hemofiliya Mərkəzində dispanser qeydiyyatında olan Vüsal Məmmədov 04.04.2025-ci il tarixində sol bud-çanaq oynağı səviyyəsindən baldırın aşağı üçdəbir hissəsinə qədər yayılan hematoma diaqnozu ilə ağır vəziyyətdə, hərəkət qabiliyyətini itirmiş halda Hematologiya şöbəsinə hospitalizasiya olunub.

Xəstəxanadan Aztibb.az-a bildirilib ki, xəstənin müalicəsi həkim-hematoloq Məhluqə Talıbovanın nəzarəti ilə aparılıb.

Pasiyent 22 gün sonra Hematologiya şöbəsinin həkim-hematoloqları Məhluqə Talıbova, Elmira Qədimova, Firəngiz Nəzərli tərəfindən əməliyyata hazırlanıb.

26.04.2025-ci il tarixində pasiyentin üzərində tibb müəssisəsinin baş həkimi, professor Sahib Hüseynovun rəhbərliyi və həkim-cərrah Nigar Abdullayevanın iştirakı ilə pasiyentə sol ayağın fleqmonası əməliyyatı icra olunub.

Tibb müəssisəsində müalicəsi davam etdirilən Vüsal Məmmədovun sağlamlığı bərpa olunub. Əməliyyatdan bir neçə gün sonra onun hərəkət qabiliyyəti tam şəkildə geri qayıdıb və 20.04.2025-ci il tarixində ambulator müalicə üçün evə buraxılıb.

Pasiyent Vüsal Məmmədov göstərilən yüksək tibbi xidmətə görə Sahib Hüseynova, cərrahi xidmətlər üzrə direktor müavini Elçin Mirzəyevə, terpevtik xidmətlər üzrə direktor müavini Mina Adıgözəlovaya, Hematologiya və Ümumi cərrahiyyə şöbələrinin həkim heyətinə və digər əməkdaşlara, eləcə də xəstəxananın direktoru Elviz Qasımova dərin təşəkkürünü bildirib.