Ağdaş Rayon Mərkəzi Xəstəxanasının həkim-mütəxəssisləri Ərəbocaq ASM bölməsində sakinlərin səyyar tibbi müayinələri keçirilib.

Bu barədə Aztibb.az-a Ağdaş RMX-dan xəbər verilib.

Bildirilib ki, müxtəlif ixtisaslardan olan həkimlərdən ibarət səyyar briqadalar tərəfindən aparılan müayinələrə 3-ü uşaq, 10 nəfəri isə 18 yaşdan yuxarı olmaqla, ümumilikdə 13 nəfər kənd sakini cəlb edilib. Sakinlərə 29 adda tibbi xidmətlər göstərilib.

Qeyd edək ki, kəndlərdə keçirilən tibbi müayinələrin məqsədi rayon mərkəzindən kənarda məskunlaşmış əhaliyə göstərilən tibbi xidmətlərin əlçatanlığını, peyvənddən kənar qalmış uşaqların vaksinasiyasını, qeydiyyatsız hamilələrin aşkarlanmasını, hamilə və yenidoğulmuşların patronajını, əhalinin peyvənd haqqında maarifləndirilməsini, laborator, instrumental müayinələrin keçirilməsini təmin etməkdir.