Laçın Rayon Mərkəzi Xəstəxanasında kadr təyinatı olub.

Xəstəxanadan Aztibb.az-a bildirilib ki, 1992-ci il təvəllüdlü Arzuman İsmayılov Təcili tibbi yardım şöbəsində təcili yardım həkimi olaraq fəaliyyətə başlayıb.

Arzuman İsmayılov 2013-cü ildə Ukraynanın Kiyev şəhərində yerləşən Tibb və Ekologiya Universitetinə daxil olub, 2019-cu ildə həkim-terapevt ixtisası üzrə ali təhsilini başa vurub.

Fəaliyyətinə 2019-2020-ci illərdə cərrah assistenti kimi başlayıb. 2020-2022-ci illər ərzində Medistyle Hospital, Bakı Sağlamlıq Mərkəzi və Baku Clinic kimi tibb mərkəzlərinin Radiologiya şöbələrində çalışıb.

2022-2024-cü illərdə Respublika Təcili və Təxirəsalınmaz Tibbi Yardım Mərkəzinin 19 saylı bölməsində Təcili tibbi yardım həkimi kimi fəaliyyət göstərib.