Respublika Neyrocərrahiyyə Xəstəxanasına hospitalizasiya olunan pasiyent uğurlu əməliyyatdan sonra ambulator müalicə üçün evə buraxılıb.

Xəstəxanadan Aztibb.az-a bildirilib ki, pasiyent - Gülsüm Qənbərova baş ağrıları və huşun itirilməsi səbəbindən təcili təxirəsalınmaz tibbi yardım briqadası tərəfindən Respublika Neyrocərrahiyyə Xəstəxanasına hospitalizasiya olunub.

KT və KT angeoqrafiya müayinəsinə əsasən ön birləşdirici arteriyanın qanamış, sağ orta beyin arteriyasının qanamış anevrizması (subaraxnoidal qansızma) aşkar edilib. Op. Dr. Vüsal Məmmədov və Ass. Dr. Fəridə Şahbazzadə, Jalə Mikayılova tərəfindən uğurlu əməliyyat olunaraq bir həftə sonra nevroloji defisitsiz evə yazılıb.