Quba Rayon Mərkəzi Xəstəxanasının həkimləri tərəfindən orta məktəblərdə icbari dispanserizasiya tədbirləri davam etdirilir.

Aztibb.az-a Quba RMX-dan verilən xəbərə görə, növbəti tibbi müayinələr Alekseyevka kənd tam orta məktəbində baş tutub.

İcbari dispanserizasiya proqramı çərçivəsində həkim-pediatr və həkim-terapevt tərəfindən 60 məktəbli tibbi müayinədən keçirilib.

Müayinələr zamanı uşaqların sağlamlıq göstəriciləri yoxlanılıb, profilaktik məsləhətlər verilib və xəstəlik aşkarlanan şagirdlər ixtisaslı müalicə məqsədilə tibb müəssisəsinə yönləndirilib.

Qeyd edək ki, bu tədbirlər uşaqlar arasında sağlamlığın möhkəmləndirilməsi və gələcəkdə yarana biləcək problemlərin qarşısının alınmasına xidmət edir.