Günay Məmmədova və Ceyhun Məmmədov cütlüyünün 15 il sonsuzluqdan sonra övladları dünyaya gəlib.

Bu barədə Aztibb.az-a Sabirabad RMX-dan məlumat verilib.

Bildirilib ki, 15.04.2025-ci il tarixində Sabirabad Rayon Mərkəzi Xəstəxanasının nəzdində olan Regional Perinatal Mərkəzə hospitalizasiya olunan pasiyentə zəruri tibbi yardımlar göstərilib. 28-ci hestasiya həftəsində cinsi kişi, çəkisi 1 kq. olan körpələri dünyaya gəlib.

Ana və körpənin tibb müəssisəsinin müvafiq şöbələrində müalicələri davam etdirilib.

1 kq. 520 qr. çəkisi olan körpə və anası bu gün sağlam şəkildə evə buraxılıblar.

Məmmədovlar ailəsi yaradılan şəraitə görə tibb müəssisəsinin rəhbərliyinə və əməkdaşlarına təşəkkür ediblər.