Böyük Britaniyada ilk dəfə ağcaqanadlarda Qərbi Nil virusunun izləri aşkarlanıb.

Aztibb.az BBC-yə istinadla xəbər verir ki, Birləşmiş Krallığın Səhiyyə Təhlükəsizliyi Agentliyinin Heyvan və Bitki Sağlamlığı Agentliyi ilə birgə həyata keçirdiyi tədqiqat proqramı çərçivəsində 2023-cü ildə Britaniyada toplanmış ağcaqanadlarda virusun genetik materialı müəyyən edilib.

Qərbi Nil virusuna adətən quşlarda rast gəlinir və virus ağcaqanadlar vasitəsilə yayılır. Virus nadir hallarda insanlara da keçə bilər. Səhiyyə Təhlükəsizliyi Agentliyinin nümayəndəsi bildirib ki, əhali üçün risk çox aşağı qiymətləndirilir. Buna baxmayaraq, səhiyyə işçilərinə bu barədə xüsusi tövsiyələr göndəriləcək.