Kürdəmir Rayon Mərkəzi Xəstəxanasında kadr təyinatı olub.
Xəstəxanadan Aztibb.az-a bildirilib ki, uroloq cərrah Nəsirov Pərviz Rafiq oğlu tibb müəssisəsində fəaliyyətə başlayıb.
O, 1971-ci ildə Bakı şəhərində anadan olub. Azərbaycan Dövlət Tibb Universitetinin Müalicə profilaktika fakültəsində təhsil alıb. 1994-1995-ci illərdə Akademik M.Cavadzədə adına Respublika Uroloji Klinik Xəstəxasında internatura keçərək, uroloq ixtisasına yiyələnib.
P.Nəsirov 1997-2000-ci illlərdə Müdafiə Nazirliyinin cəbhəyanı hərbi səhra xəstəxanasında baş ordinator cərrah işləyib, tibb xidməti kapitanı rütbəsinə kimi hərbi xidmətdə olub. 2001-2007-ci illərdə ümumi cərrahiyyə və urologiyada olan təcrübəsini Səudiyyə Ərəbistanı Krallığının Səhiyyə Nazirliyinin dəvəti ilə davam etdirib. Bu müddət ərzində təxirəsalınmaz təbabət, cərrahiyyə aid Amerika İntensiv Terapiya Cəmiyyəti, İngiltərə və Şotlandiya Cərrahlar Kolleci tərəfindən təşkil olunmuş müxtəlif kurslar və təlimlərdə iştirak edib.
2006-ci ildə Səudiyyə Ərəbistanın Krallığı Səhiyyə Nazirliyində ixtisas imtahanını verərək, uzman cərrah sertifikatı ilə təltif olunub. 2007-ci ildə Azərbaycana qayıtdıqdan sonra bir sıra xəstəxanalarda uroloq cərrah kimi işləmişdir.
Azərbaycanda və xaricdə 20 dən çox məqaləsi dərc olunmuşub. O, Amerika, Avropa və Rusiya Uroloqlar Cəmiyyətlərinin həqiqi üzvidir.
