Ən çox satılan iki arıqlama dərmanının ilk müqayisəsi Mounjaro-nun rəqibi Wegovy-dən daha təsirli olduğunu göstərdi.

Aztibb.az-ın medimagazin.com.tr-yə istinadla xəbərinə görə, tədqiqat hər iki dərmanın kilo verməyə əhəmiyyətli dərəcədə kömək etdiyini göstərib. Lakin 72 həftəlik müalicədən sonra Mounjaro qəbul edənlərdə 20% arıqlama, Wegovy qəbul edənlərdə 14% arıqlama müşahidə edilib.

Tədqiqatçılar bildiriblər ki, hər iki dərmanın da arıqlamada rolu var, lakin Mounjaro çox çəki itirmək istəyənlər üçün daha faydalı ola bilər.

"Hər iki dərman beyni aldadır ki, özümüzü tox hiss edirik, beləliklə, biz daha az yemək yeyirik və bədəndə yığılmış yağları yandırırıq - lakin onların işləməsində incə fərqlər var.

Semaqlutid kimi də tanınan Wegovy, beyindəki iştah açarını söndürmək üçün yeməkdən sonra bədən tərəfindən buraxılan hormonu təqlid edir", - deyə tədqiqatçılar əlavə ediblər.

Araşdırmanın nəticələri New England Journal of Medicine-də çap edilib.