Respublika Təcili və Təxirəsalınmaz Tibbi Yardım Mərkəzinin Simulyasiya şöbəsinin müdiri Təranə İbadovanın təşəbbüsü ilə Şəmkir rayonunda “Təməl yaşam dəstəyi” mövzusunda təlim təşkil olunub.

Mərkəzdən Aztibb.az-a verilən xəbərə görə, təlimlərə Şəmkir və Tovuz rayonlarının təcili tibbi yardım xidmətində çalışan həkimlər və orta tibb işçiləri cəlb olunub.

Üç gün davam edən proqram çərçivəsində iştirakçılara ilkin reanimasiya tədbirləri ilə bağlı həm nəzəri biliklər, həm də praktiki bacarıqlar öyrədilib.

Sonda iştirakçılar əldə etdikləri bilikləri test mərhələsində nümayiş etdirərək təlimi uğurla başa vurublar.