ATU-nun Ortopedik stomatologiya kafedrasının əməkdaşı t.ü.f.d. Yuris Bayramov 2 həftə ərzində Türkiyənin Atatürk Universitetində akademik fəaliyyət göstərib.

Aztibb.az-a ATU-dan bildirilib ki, o, Diş həkimliyi fakültəsinin Protetik diş müalicəsi kafedrasında tələbələrlə görüşüb, klinik məşğələlərdə iştirak edib.

Kafedradakı şəraitlə yaxından tanış olan əməkdaşımız, həmçinin universitetin 3, 4 və 5-ci kurs tələbələri üçün “Ortopedik stomatologiyada funksional ölçü problemi və həkim səhvləri” mövzusunda məruzə söyləyib.

Məruzə tələbələr tərəfindən maraqla qarşılanıb, Y.Bayramov verilmiş sualları ətraflı şəkildə cavablandırıb.