“Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim, Masallı Rayon Mərkəzi Xəstəxanasının neonatoloqu İsmayılova Afaq Adil qızı haqqında məlumatları təqdim edirik.

Afaq İsmayılova 1958-ci ildə Bakı şəhərində doğulub. 1975-ci ildə Azərbaycan Tibb Universitetinin Pediatriya fakültəsinə daxil olub, 1981-ci ildə həmin universiteti bitirib. 1982-ci ildə Bakı şəhər 5 nömrəli xəstəxanada internatura keçib, həmin ildən Sumqayıt Şəhər Xəstəxanasında sahə həkimi kimi fəaliyyətə başlayıb.

O, 1991-ci ildən 2023-cü ilə kimi Respublika Perinatal Mərkəzində həkim-neonatoloq vəzifəsində çalışıb. Dəfələrlə müxtəlif kurs və seminarlarda iştirak edib.

Afaq İsmayılova 2023-2024-cü illərdə Cəlilabad Rayon Mərkəzi Xəstəxanasında işləyib, 2025-ci ilin aprel ayından isə Masallı Rayon Mərkəzi Xəstəxanasında həkim-neonatoloq kimi fəaliyyət göstərir.