Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi tərəfindən Sabirabad rayonunda evdə (səyyar) sosial-məişət xidməti göstərilən tənha ahıl və əlilliyi olan şəxslərin rayon Heydər Əliyev Mərkəzinə ekskursiyası təşkil edilib.

Agentliyin İctimaiyyətlə əlaqələr və kommunikasiya şöbəsindən Aztibb.az-a verilən məlumata görə, Ümummilli Lider Heydər Əliyevin anadan olmasının 102-ci ildönümünə həsr edilən ekskursiya çərçivəsində əvvəlcə iştirakçılara Ulu Öndərin həyatı və çoxşaxəli fəaliyyəti barədə geniş məlumat verilib.

Tədbir iştirakçıları çıxışlarında Ümummilli Liderlə bağlı xoş xatirələrini bölüşüblər.

Sonra iştirakçılar Ulu Öndərin həyat və fəaliyyətini əks etdirən fotosərgi ilə tanış olub, sənədli filmə baxıblar.