Oksford Universitetinin alimləri xərçəng müalicəsində həm təhlükəsizliyi, həm də təsirliliyi artıran yeni bir immunoterapiya üsulu hazırlayıblar.

Aztibb.az xarici KİV-ə istinadla xəbər verir ki, tədqiqatçılar T-hüceyrələrə eyni anda həm ximer antigen reseptoru (CAR), həm də T-hüceyrə reseptoru (TCR) əlavə edərək bu hüceyrələrin xərçəng və sağlam toxumaları daha dəqiq ayırd etməsini təmin ediblər. Yeni yanaşma – AEBS CAR T sistemi – zəif TCR siqnalları vasitəsilə sağlam hüceyrələrə qarşı T-hüceyrə hücumlarını “əyləcləyir”, lakin xərçəng hüceyrələrində mutasiya olunmuş zülalları tanıyanda sürətlənərək daha güclü təsir göstərir.

Bu yeni üsul immunoterapiyada daha dəqiq və güvənli nəticələrə yol açaraq gələcəkdə bərk toxuma şişlərinə qarşı mübarizədə dönüş nöqtəsi ola bilər.