Xocavənd Rayon Mərkəzi Xəstəxanasında həkim-cərrah Nəcəf Qaraşlı tərəfindən barmaq amputasiyası əməliyyatı uğurla icra edilib.

Aztibb.az-a Xocavənd RMX-dan bildirilib ki, xəstənin on il əvvəl keçirdiyi yanıq hadisəsindən sonra sağ əlin üçüncü barmağı bükülü qaldığı və gündəlik həyatında aktiv işlərində ona mane olduğu üçün xəstəxanaya müraciət edib.

Aparılan rentgen müayinəsində sağ əlin üçüncü barmağının amputasiyası diaqnozu təyin olunduqdan sonra həkim-cərrah Nəcəf Qaraşlı tərəfindən yerli keyitmə vasitəsi ilə üçüncü barmaq orta falanqadan amputasiya olunub.

Hazırda pasiyentin vəziyyəti qənaətbəxş olaraq qiymətləndirilir.